新一年的幸福

琴日係 2007 返診所既第一日
一朝早既天氣十個好

同老公好早起身去<燊輝>食早餐
（係一件我覺得超幸福既事）
跟住佢照常車我返工
我返十點， 佢十一點返另外0個份

臨落車佢問我 "你又冇著保暖褲呀？"
（因為放工後我要等巴士）
我答道： "冇呀！ 唔緊要啦！今日0甘好天氣0甘暖， 我 ok 0架啦"

點知入夜之後天氣好凍好大風， 凍到我死死下！
但係唔緊要， 因為我著0左保暖褲！

嘻嘻！ 我0係邊0到擰條保暖褲出來著？
咪係老公豬臨返工前突登楂車過來擰俾我0架囉！

雖然著0左保暖褲之後， 對腳都好凍因為好大風
但係心裡面多0左一份十個難形容既溫暖！