今日差不多放工既時候,隔離鋪有個男仔走過黎
好無聊咁同我地傾左陣計..講到佢自己既感情事好復雜~
好麻煩好多野諗既時候~佢就問到我同事winnie同佢男朋友
既關係..
一講到佢男朋友,佢就話:好既時候就好好既,唔好既時候就唔好囉..!
隔左唔夠10秒鐘,佢男朋友就係我地眼前出現啦!
之後佢都不禁講左一句:其實好好架喇!(帶有一個好滿足既微笑)
見住佢地一齊走過左差不多4個年頭..曾經經歷過好多風浪..
雖然有D時候佢地可能將對方既優點縮到好細,
但其實大家心入面最愛既都係對方!
下年佢地終於結婚啦!以後就同對方牽手走過開心與哀愁~
祝佢地幸福啦=)
雖然係尼個blog開始到小雲你invited我~我仲未搵到我生活上
覺得開心而值得寫落黎既事!
但就因為你為我地建立既尼個blog~我諗我從此會學習將我生活上開心
既事盡量化大,唔開心既事縮小~咁樣我先有機會再係尼度講野嘛=P
1 comment:
mex, 好希望你會早日搵到你o既幸福! 其實幸福每日都包圍住我地, 好似你今日咁, 為別人o既幸福感動過. 下一次可能會係你o既幸福令別人感動架~ AND 你一定要再o係哩道講野呀~~
Post a Comment